काठमाडौं। थाइल्याण्डमा सम्पन्न अन्तर्राष्ट्रिय कराते प्रतियोगितामा नेपाली खेलाडीहरूले प्रभावशाली प्रदर्शन गर्दै दुई स्वर्णसहित कुल पाँच पदक हात पारेका छन्। संयुक्त राष्ट्रअन्तर्गत शोतोकान कराते–दो सङ्गठन अन्तर्गत सहभागी नेपाली टोलीले स्वर्ण, रजत र कास्य पदक जित्दै अन्तर्राष्ट्रिय मञ्चमा नेपालको उपस्थिति थप सशक्त बनाएको हो।

पदक विजेताहरू यसप्रकार छन्:

स्वर्ण पदक
– मिङ्मार तामाङ (८०+ केजी)
– विवेन्द्र तामाङ (५५+ केजी)

रजत पदक
– सुशील लामा (५५+ केजी)
– निरमाया तामाङ (५०+ केजी)

कास्य पदक
– सुदर्शन बन्जारा (८०+ केजी)

प्रतियोगिताका क्रममा खेलाडीहरूले विभिन्न देशका प्रशिक्षक, निर्णायक र खेलाडीहरूसँग अनुभव आदान–प्रदान गर्ने अवसर पाएको बताएका छन्। यसले खेलकुदमार्फत मित्रता, सहकार्य र पारस्परिक सम्मान अभिवृद्धि गर्न सहयोग पुगेको उल्लेख गरिएको छ।

नेपाली टोलीको अनुशासित र सशक्त प्रदर्शनले देशको प्रतिष्ठा उकासेको भन्दै सहभागीहरूले आयोजकप्रति आभार व्यक्त गरेका छन्। टोलीले प्रतियोगिता सफलतापूर्वक सम्पन्न भएको जनाउँदै आगामी दिनमा अझ उत्कृष्ट नतिजा ल्याउने विश्वास व्यक्त गरेको छ।