काठमाडौं। काठमाडौंको लाजिम्पाटस्थित पानीपोखरी क्षेत्रमा भर्खरै सञ्चालनमा आएको हेल्दी स्किन क्लिनिक तथा रिसर्च सेन्टरले छाला, कपाल तथा सौन्दर्यसम्बन्धी समस्याहरूको समग्र समाधान दिने उद्देश्यसहित आफ्नो सेवा सुरु गरेको छ। आधुनिक प्रविधि, विशेषज्ञ चिकित्सकको अनुभव र रोगीमैत्री सेवा प्रणालीका कारण यो क्लिनिक छोटो समयमै बिरामी तथा सेवाग्राहीहरूको ध्यान खिच्न सफल भएको छ।

क्लिनिकमा एसोसिएट प्रोफेसर डाक्टर सुचना मरहठ्ठाको नेतृत्वमा उपचार सेवा प्रदान गरिन्छ। छाला रोगको क्षेत्रमा लामो अनुभव र विशेषज्ञता हासिल गरेकी डा. मरहठ्ठाले रोगको सही पहिचान र वैज्ञानिक उपचार पद्धतिमा जोड दिँदै आएकी छन्। उनका अनुसार, छाला र कपालका समस्या केवल बाहिरी सौन्दर्यसँग मात्र सम्बन्धित हुँदैनन्, यी समस्याहरूले व्यक्तिको आत्मविश्वास र मानसिक अवस्थामाथि समेत प्रभाव पार्न सक्छन्। त्यसैले समयमै सही उपचार आवश्यक हुन्छ।

क्लिनिकमा सबै प्रकारका छाला रोगसम्बन्धी परामर्श सेवा उपलब्ध छ। डन्डीफोर, चायाँ/पोतो, एलर्जी, एक्जिमा, सोरायसिस, सेतो दुबी लगायतका जटिल समस्याहरूको उपचार यहाँ विशेषज्ञद्वारा गरिन्छ। त्यस्तै, दाद र अन्य छालाका सङ्क्रमणहरूको परीक्षण र उपचार पनि प्रभावकारी ढंगले सञ्चालन गरिन्छ।

कपालसम्बन्धी समस्याहरूको उपचारका लागि पनि क्लिनिकले विशेष सेवा प्रदान गर्दै आएको छ। कपाल झर्ने समस्या, कपाल पातलो हुने समस्या तथा टाउकोको छालासम्बन्धी समस्याहरूको वैज्ञानिक परीक्षण गरी उपचार गरिन्छ। कपाल प्रत्यारोपण, PRP, Exosome तथा GFC जस्ता आधुनिक प्रविधिहरू प्रयोग गरेर बिरामीलाई दीर्घकालीन समाधान दिने प्रयास गरिएको छ।

छालाको सल्यक्रिया सेवा पनि क्लिनिकको अर्को विशेषता हो। आँखाको ढकनीको शल्यक्रिया, मुसा हटाउने, कोठी हटाउने, सेतो दुबीको सल्यक्रिया, नङको शल्यक्रिया लगायतका विभिन्न सर्जिकल सेवाहरू यहाँ उपलब्ध छन्। साथै, पुराना खतहरू हटाउने, बायोप्सी गर्ने तथा छालाको क्यान्सरसम्बन्धी सर्जरी समेत यहाँ सुरक्षित रूपमा गरिन्छ। रेडियो फ्रिक्वेन्सी, इलेक्ट्रोकाउट्री र केमिकल काउट्रीजस्ता प्रविधिहरूको प्रयोगले उपचारलाई अझ प्रभावकारी बनाएको छ।

सौन्दर्यसम्बन्धी सेवाहरू पनि क्लिनिकको आकर्षणको केन्द्र बनेको छ। लेजर ट्रीटमेन्टमार्फत अनावश्यक रौं हटाउने, पिलिङ, HIFU ट्रीटमेन्ट, छाला कसिलो बनाउने, एन्टी-एजिङ ट्रीटमेन्ट, बोटोक्स, फिलर्स तथा स्किन बुस्टर जस्ता सेवाहरू उपलब्ध छन्। साथै, हाइड्रा फेशियल, भ्याम्पाएर फेशियल जस्ता आधुनिक मेडि फेशियल सेवाहरूले छालालाई स्वस्थ र आकर्षक बनाउन सहयोग पुर्‍याउँछन्।

क्लिनिकले यौन रोगसम्बन्धी परामर्श तथा उपचार सेवा पनि प्रदान गर्दै आएको छ। यस्ता समस्याहरूमा गोपनीयता र संवेदनशीलता अत्यन्तै महत्वपूर्ण हुने भएकाले क्लिनिकले सुरक्षित र गोपनीय वातावरणमा सेवा दिने व्यवस्था गरेको छ। यससँगै, महिलाहरूका लागि ‘फेम केयर’ अन्तर्गत भ्याजाइनल टाइटिङ र इन्टिमेट पिल्स जस्ता सेवाहरू पनि उपलब्ध छन्।

क्लिनिकमा आधुनिक ‘स्किन एनालाइसिस र हेयर एनालाइसिस प्रविधि प्रयोग गरी बिरामीको समस्या गहिराइमा बुझ्ने र त्यसअनुसार उपचार योजना बनाउने गरिन्छ। यसले उपचारलाई अझ प्रभावकारी र परिणाममुखी बनाएको छ।

हेल्दी स्किन क्लिनिक तथा रिसर्च सेन्टरले उपचारसँगै अनुसन्धानलाई पनि प्राथमिकता दिएको छ। क्लिनिकले छाला रोगको क्षेत्रमा नयाँ प्रविधि र उपचार विधिहरूको अध्ययन तथा प्रयोग गर्दै सेवा गुणस्तरमा निरन्तर सुधार गर्ने लक्ष्य लिएको छ।

सेवाग्राहीमैत्री वातावरण, अनुभवी चिकित्सक, आधुनिक उपकरण र गुणस्तरीय सेवाका कारण यो क्लिनिक काठमाडौंका बासिन्दाहरूका लागि भरपर्दो गन्तव्य बन्दै गएको छ। छाला र कपालसम्बन्धी समस्याबाट पीडित व्यक्तिहरूका लागि एकै ठाउँमा सम्पूर्ण समाधान उपलब्ध गराउने उद्देश्यले स्थापना गरिएको यो क्लिनिकले स्वास्थ्य र सौन्दर्य दुवै पक्षलाई सन्तुलनमा राख्दै सेवा प्रदान गरिरहेको छ।

समग्रमा, हेल्दी स्किन क्लिनिक तथा रिसर्च सेन्टरले काठमाडौंमा छाला तथा कपाल उपचार सेवामा नयाँ आयाम थपेको छ। विशेषज्ञताको साथ आधुनिक प्रविधिको संयोजनले यो क्लिनिक भविष्यमा अझ प्रभावकारी र विश्वासिलो स्वास्थ्य सेवा केन्द्रको रूपमा स्थापित हुने अपेक्षा गरिएको छ।