काठमाडौं। साविक विजेता आर्सनलले इंग्लिस प्रिमियर लिगको नयाँ सिजनमा सानदार सुरुवात गरेको छ। पहिलो खेलमा आर्सनलले नवप्रवेशी कोभेन्ट्री सिटीलाई ३–० गोलले पराजित गरेको हो।

एमिरेट्स स्टेडियममा भएको खेलमा आर्सनलले पहिलो हाफमै दुई गोलको अग्रता बनाएको थियो। काई हाभर्टजले खेलको १५औँ मिनेटमा गोल गर्दै घरेलु टोलीलाई सुरुवाती अग्रता दिलाए।

त्यसको आठ मिनेटपछि बुकायो साकाले गोल गर्दै आर्सनलको अग्रता २–० मा पुर्‍याए। पहिलो हाफमा दुई गोल गरेको आर्सनलले दोस्रो हाफको सुरुवातमै अर्को गोल थप्यो।

कप्तान मार्टिन ओडेगार्डले ४९औँ मिनेटमा गोल गर्दै आर्सनललाई ३–० को सहज अवस्थामा पुर्‍याए। त्यसपछि थप गोल हुन नसक्दा आर्सनलले तीन गोलको जितसहित सिजनको सुरुवात गरेको हो।

यसै सिजन आर्सनलमा अनुबन्ध भएका मिडफिल्डर ब्रुनो गुइमारेस चोटका कारण पहिलो खेलमा सहभागी हुन सकेनन्। क्रिस्टोस जोलिसले भने सुरुवाती टोलीमा स्थान बनाउँदै प्रभावशाली प्रदर्शन गरे।

२५ वर्षपछि प्रिमियर लिगमा फर्किएको कोभेन्ट्रीले आफ्नो पहिलो खेलमै साविक विजेता आर्सनलको सामना गरेको थियो।

प्रिमियर लिगअन्तर्गत शनिबार थप पाँच खेल हुनेछन्।